27. Жоғарыда көрсетілген тармақтардың сақталуын қамтамасыз ететін жауапты қызметкерлерді бекітеді.
Қазақстан Республикасының
Бас мемлекеттік санитариялық дәрігерінің
2021 жылғы 2 қыркүйектегі
№ 38 қаулысына
21-қосымша
Шектеу іс-шараларын, оның ішінде карантинді енгізу кезеңінде тамақ жеткізуді жүзеге асыратын қоғамдық тамақтану ұйымдарына қойылатын талаптар
1-тарау. Жалпы талаптар
1. Объектінің әкімшілігі Infokazakhstan.kz сайтында жұмыс жағдайларымен міндетті түрде танысады және тиісті келісімге қол қояды
2. Әрбір тапсырыс тағамның атауын, дайындалған күні мен сағатын көрсете отырып, тамақтану объектісінің есепке алу құжаттамасында тіркеледі.
3. Қоғамдық тамақтану ұйымдарынан тыс сатуға арналған салат өнімдерінің, бірінші, екінші тағамдардың тұздықтарын толтыру жүргізілмейді. Тағамдарға тұздықтар жеке тұтыну ыдысында, орамада жеткізіледі.
4. Өнімді жеткізу тамақ дайындау күні мен уақыты көрсетіле отырып, өнімнің қайталама ластануын болдырмайтын бір рет қолданылатын ыдыста жүзеге асырылады.
5. Объект персоналы арнайы санитариялық киіммен (халаттар, орамал бас киімдер, таңғыштар немесе шашқа, сақалға арналған торлар), сондай-ақ жеке қорғаныш құралдарымен (медициналық маска, әр 2 сағат сайын ауысатын бір рет қолданылатын қолғап), антисептикалық құралдармен және қол жууға арналған құралдармен қамтамасыз етіледі.
6. Өнімді жеткізушілер (курьерлер) жеке қорғаныш құралдарымен (медициналық маска, медициналық қолғаптар немесе әрбір 2 сағат сайын ауыстыра отырып, дезинфекциялау құралдарымен өңдеуге жататын басқа да), антисептикалық заттармен, бір рет қолданылатын ылғалды сулықтармен және жаңбырлатқыштармен қамтамасыз етіледі.
7. Көлік құралын өңдеу, желдету әрбір 2 сағат сайын және егер салонда орындықтар мен тыстар өңделмейтін болса, өнімді тек жүк салғышта тасымалдау арқылы жүргізіледі. Көлік құралы таза ұсталады.
8. Ауаны зарарсыздандыру қоса берілген нұсқаулыққа сәйкес кварц, бактерицидті шамдарды немесе ауа рециркуляторларын пайдалана отырып жүргізіледі. Кварц шамдарын пайдалану ережелерді қатаң сақтаған кезде, адамдар болмаған кезде, үй-жайларды міндетті түрде желдете отырып жүзеге асырылады. Ауа рециркуляторларын адамдардың қатысуымен пайдалануға рұқсат етіледі.
9. Қызметкерлер үшін кемінде 2 метр қашықтықта еденге тиісті белгі қою арқылы әлеуметтік қашықтықты сақтау қамтамасыз етіледі.
10. Объекті әкімшілігі персоналдың күнделікті термометриясын ұйымдастырады. Ауысым аяқталғаннан кейін арнайы киім жібітіледі және өңделеді, арнайы киімді ауыстыру күн сайын жүргізіледі.
11. Жұмыс ауысымы аяқталғаннан кейін (немесе кемінде 6 сағаттан кейін) үй-жайларды дезинфекциялау құралдарын қолдана отырып, есік тұтқаларын, тұтқаларды, технологиялық жабдықтарды, үстелдерді, персонал мен келушілерге арналған санитариялық тораптарды дезинфекциялау сулықтарымен (немесе дезинфекциялау құралдарының ерітінділерімен) сүрту жолымен желдету және ылғалды жинау, кварцтау жүргізіледі.
12. Өнімді жеткізу кезінде тұтынушымен байланыс барынша алынып тасталады.
13. Жіті респираторлық инфекциялар (қызба, жөтел, мұрынның бітелуі) бар персонал жұмысқа кіріспейді.
14. Персонал мен өнімді жеткізушілерге өнімге түсуі мүмкін әшекейлерді (сақиналарды, сағаттарды, басқа да заттарды) тағуға тыйым салынады, егер мұндай әшекейлерді шешу мүмкін болмаса, олар тұтастай, таза және санитариялық жай-күйде ұстауға болатын және өнімдер, беттер және орау материалдарын ластанудан тиімді қорғайтын материалдың көмегімен оқшауланады.
15. Су өткізбейтін материалдан жасалған қолғапты кию, бүтін және таза күйінде жүзеге асырылады.
2-тарау. Қолды қашан жуу және дезинфекциялау керек
16. Лас заттарға тигеннен кейін.
17. Жөтелу, түшкіруден кейін.
18. Лас жабдықпен немесе ыдыспен жұмыс істегеннен кейін.
19. Өнімдермен жұмысқа кірісу алдында.
20. Дәретханаға барғаннан кейін және өндірістік цехқа кіру алдында.
21. Тамақ жеткізуге тапсырыс алу алдында (курьерлерге, жеткізушілерге).
Бас мемлекеттік санитариялық дәрігерінің
2021 жылғы 2 қыркүйектегі
№ 38 қаулысына
22-қосымша
COVID-19 таралуының алдын алу мақсатында профилактикалық дезинфекциялау іс-шараларын жүргізу алгоритмі
I. Жалпы талаптар
1. COVID-19 ошақтарында қорытынды дезинфекцияны мектепке дейінгі балалар мекемелерінде, қарттар мен мүмкіндігі шектеулі адамдарға арналған медициналық-әлеуметтік объектілерде, сәбилер үйлерінде, балалар үйлерінде, интернат үлгісіндегі оқу орындарында жағдайлар тіркелген кезде ҰСО филиалдары жүргізеді..
2. CОVID-19 ошақтарындағы ағымдағы дезинфекциялау науқастың немесе онымен бірге тұратын адамдардың күшімен жүргізіледі.
3. Профилактикалық өңдеу осы қаулымен бекітілген алгоритмдерге сәйкес жүргізіледі.
ІІ. Қорытынды дезинфекция
4. Дезинфекция жүргізу үшін Қазақстан Республикасы мен Еуразиялық экономикалық одақтың аумағында белгіленген тәртіппен тіркелген және қолдануға рұқсат етілген және Еуразиялық экономикалық одақ елдерінің мемлекеттік тіркеу туралы куәліктернің бірыңғай тізіліміне енгізілген құралдар қолданылады.
5. Қорытынды дезинфекциялау үшін вирусқа қарсы тиімділігі бар құралдар қолданылады.
6. Дезинфекциялау құралдары оларға қоса берілген вирустық инфекциялар кезінде дезинфекциялау режимдері көрсетілген нұсқаулықтарды қатаң сақталған жағдайда қолданылады.
7. Дезинфекциялау құралдарының жұмыс ерітінділерін дайындау арнайы бөлінген орында жүзеге асырылады. Дезинфекциялау құралдары өнім берушінің ыдысында (қаптамасында) заттың атауы, оның мақсаты, заттаңбадағы жарамдылық мерзімі көрсетіле отырып сақталады. Ыдыстағы заттаңба дезинфекциялау құралын сақтаудың (пайдаланудың) бүкіл кезеңінде сақталады.
8. Дезинфекциялау құралдарын бөгде адамдарға беруге және оларды қараусыз қалдыруға жол берілмейді.
9. Дезинфекциялау құралдары мамандандырылған автокөлік құралдарымен немесе қауіпті жүктерді тасымалдауға бейімделген басқа да көлік құралдарымен тасымалданады.
10. Дезинфекцияны (өңдеуді) мынадай:
- тері жамылғысын (қорғаныш халат, қолғап);
- тыныс алу ағзаларын («В» маркалы патроны бар РПГ-67 немесе РУ-60М типті әмбебап респираторлар);
- көзді (герметикалық қорғаныш көзілдірік);
- аяқты (бір рет қолданылатын құралдар немесе резеңке етіктер) қорғайтын жеке қорғаныш құралдарын пайдалана отырып жүргізу қажет.
11. Дезинфекциялау құралдарымен жұмыс істеуге денсаулық жағдайы бойынша қарсы көрсетілімдері жоқ кәмелетке толған адамдар жіберіледі. Дезинфекциялау құралдарымен (дезинструктор, дезинфектор) жұмыс істеуге тартылатын мамандардың дезинфекциялау бойынша даярлығы және жұмысты қауіпсіз жүзеге асыру мәселелері бойынша нұсқамасы болуы тиіс.
ІІІ. Ағымдағы дезинфекция
12. Ағымдағы дезинфекция күн сайын жүргізіледі.
13. Өңдеу кезінде маска мен қолғапты қолдану керек.
14. Өңдеу келесі түрде жүзеге асырылады:
1) есік тұтқаларын сабынмен жуып, кемінде 70% спирт негізіндегі антисептикпен сүрту қажет;
2) ажыратқыштарды кемінде 70% спирт негізіндегі антисептикпен сүрту;
3) терезе алды тақтайлары, шкафтар, жиһаздар (матамен және жұмсақ кеуекті материалмен қапталмаған бөліктер) және өзге де қатты беттерді сабынмен жуу немесе спирт негізіндегі антисептикпен сүрту;
4) компьютерлердің клавиатурасын кемінде 70% спирт негізіндегі антисептикпен сүрту;
5) асүй үстелшелерін әрбір пайдаланғаннан кейін тұрмыстық химия құралдарын қолдана отырып жуу және кемінде 70% спирт негізіндегі антисептигі бар салфеткамен сүрту қажет;
6) тұрмыстық техника: панельдер мен басқару пульттерін кемінде 70% спирт негізіндегі антисептигі бар сулықтармен сүрту;
7) араластырғыштарды, раковиналарды ыстық сумен мұқият жуу қажет тұрмыстық химия құралдарын қолдана отырып жуу қажет;
8) дәретхананы (унитаз, ванна, душ кабинасы, биде) хлор негізіндегі тұрмыстық химия құралдарын пайдалана отырып, соңғы кезекте өңдеу;
15. Ағымдағы дезинфекция аяқталғаннан кейін пайдаланылған сулықтар, маскалар мен қолғаптар бөлек пакетке салынып, тығыз және герметикалық түрде жабылып, қоқысқа тасталуы керек.
IV. Тұрғын үй-коммуналдық шаруашылық саласындағы объектілерде дезинфекция жүргізу (рекреациялық аймақтардағы ортақ пайдалану орындары, тұрғын үйлердің кіреберістері)
1. Дезинфекция жүргізу үшін Қазақстан Республикасында белгіленген тәртіппен тіркелген және қолдануға рұқсат етілген дезинфекциялау құралдарын вирустық инфекциялар кезінде тиімді режимдерде нақты құралдарды қолдану жөніндегі нұсқаулықтарға сәйкес қолданады.
2. Дезинфекциялау құралдарын дайындаушының қаптамаларында, арнайы бөлінген құрғақ, салқын және балалардың қолы жетпейтін қараңғы жерде тығыз жабылған күйінде сақтайды.
3. Көп пәтерлі үйлерде көпшілік пайдаланатын орындарда (есіктер, есік тұтқалары, лифтілер мен домофондардың кілттері, лифтілер, баспалдақ алаңдары, таяныштар, ажыратқыштар, тұтқалар, үстелдер және басқа да осыған ұқсас объектілер) профилактикалық дезинфекция сүрту әдісімен жүргізу ұсынылады.
4. Дезинфекциялық өңдеуге тартылған адамдар жеке қорғаныш құралдарымен (маскалар немесе респираторлар, халаттар, қолғаптар) жұмыс істейді.
5. Тұрғын үй-коммуналдық шаруашылық саласындағы объектілерде дезинфекциялау іс-шараларын өз қаражаты есебінен немесе эпидемиологиялық көрсетілімдер бойынша санитариялық-эпидемиологиялық қызметтің лауазымды адамдарының қаулылары бойынша жүргізеді.
ҚР Бас мемлекеттік санитариялық дәрігерінің 2022.21.01. № 4 Қаулысымен 23-қосымша жаңа редакцияда (бұр.ред.қара)
Қазақстан Республикасының
Бас мемлекеттік санитариялық дәрігерінің
2021 жылғы 2 қыркүйектегі
№ 38 қаулысына
23-қосымша
Қазақстан Республикасы Қорғаныс министрлігінің, Қазақстан Республикасы Ішкі істер министрлігінің, Ұлттық қауіпсіздік комитетінің (оның ішінде ҰҚК Шекара қызметі) және Қазақстан Республикасы Мемлекеттік күзет қызметінің жеке құрамы (оның ішінде азаматтық персонал) арасында COVID-19 таралу тәуекелін азайту жөніндегі алгоритмдер
Мақсаты: Қазақстан Республикасы Қорғаныс министрлігінің, Қазақстан Республикасы Ішкі істер министрлігінің, Ұлттық қауіпсіздік комитетінің (оның ішінде Шекара қызметі) және Қазақстан Республикасы Мемлекеттік күзет қызметінің жеке құрамы (оның ішінде азаматтық персонал) (бұдан әрі - қарулы күштер құрылымы) арасында қозғалысты қысқарту және COVID-19 таралу қаупін азайту бойынша өзара іс-қимыл жасау жолымен СОVID-19 жұқтыру қаупін төмендету.
1. Ұйымдастыру іс-шаралары:
1) ведомстволық объектілерге бөтен адамдардың келмеуі үшін бақылау-өткізу пунктін (бұдан әрі – БӨП) жабу;
2) демалыс және мереке күндерін қоса алғанда, жеке құрамның объектілерге, оның ішінде қызметтерді көрсету саласында (монша-кір жуу қызметін көрсету, шаштараз, азық-түлік дүкендері, буфеттер және т. б.) тартылған объектілерге байланыссыз электрондық рұқсатнамаларға қол жеткізуі;
3) тұратын мекенжайын, байланыс телефондарын, барлық отбасы мүшелерінің Т.А.Ә., отбасы мүшелерінің жұмыс орындарын көрсете отырып, жұмыс істейтін жеке құрамның тізімін құру;
4) эпидемияға қарсы, дезинфекциялық іс-шараларды көздей отырып, коронавирустық инфекцияға ден қою жөніндегі қолданыстағы жедел жоспарды жетілдіру;
5) қарулы күштер құрылымдары объектілеріне COVID-19 әкелінуінің және одан әрі таралуының алдын алу мақсатында эпидемияға қарсы және профилактикалық іс-шараларға тартылған барлық жауапты адамдарды таныстыру арқылы хабарлау схемасын жаңарту;
6) іс-шаралар өткізілгенге дейін кемінде 10 күн бұрын алдын ала карантинді ұйымдастыруды және іс-шараны өткізгенге немесе оған шыққанға дейін 4 күн бұрын СОVID-19-ға бір рет зертханалық тексеруді қамтамасыз ете отырып, жеке құрамның тартылған адамдарының тізімімен кейінге қалдыруға болмайтын іс-шаралар (оның ішінде халықаралық және елдік іс-шаралар) тізімін құру;
7) жеке құрам үшін қашықтықтан кеңестер өткізу;
8) азаматтық персонал адамдарын, сондай-ақ COVID-19-ға қарсы вакцинацияланбаған және соңғы 3 ай ішінде COVID-19-бен ауырмаған жеке құрамды қашықтықтан жұмысқа ауыстыру;
9) жеке құрам мен азаматтық персоналда COVID-19 белгілері мен симптомдары пайда болған кезде қашықтықтан консультация беруді ұйымдастыру және оқшаулау, емдеуге жатқызу және аумақтардағы инфекциялық стационарларға тасымалдау мәселелерін шешу үшін олардың ТАӘ, лауазымын, жұмыс орнын және байланыстарын көрсете отырып, аумақтық органдардың: денсаулық сақтау басқармаларының және Санитариялық-эпидемиологиялық бақылау комитетінің, жоғары оқу орындарының инфекциялық аурулар кафедраларының медицина қызметкерлері арасынан консультанттардың тізімін құру (келісім бойынша);
10) қарулы күштер құрылымдары мен олардың бөлімшелерінің медицина қызметінің аумақтық денсаулық сақтау басқармаларымен (бұдан әрі – ДСБ) және Санитариялық-эпидемиологиялық бақылау комитетінің департаменттерімен қашықтықтан консультация жүргізуді ұйымдастыру және жүргізу, қарулы күштер құрылымдарының жеке құрамы арасында ауруды әкелуге және таратуға жол бермеу бойынша, оның ішінде СОVID-19-дың күдікті және/немесе ықтимал жағдайлары туралы хабарламаны ұсыну бойынша эпидемияға қарсы іс-шараларды ұйымдастыру және жүргізу шеңберінде өзара іс-қимыл тәртібін өзектендіру;
11) бөлімшелер арасында бөлімшелер үстелдерінің арасында 2 метрден кем емес қашықтықта оқшаулауды сақтай отырып, жеке құрам мен азаматтық персоналды тамақтандыруды ұйымдастыру бойынша жоспар мен кестені әзірлеу және олардың сақталуын бақылау;
12) бос уақытты өткізу үй-жайларында - казармаларда, монша-кір жуу қызмет көрсету орындарында және басқа да жаппай пайдаланылатын орындарда жеке құрамның болуын ұйымдастыру жөніндегі кестелерді құру;
13) жаппай болатын және тыныс-тіршілікті қамтамасыз ету объектілерінде (казармалар, оқу сыныптары, қызметтік үй-жайлар, асхана, монша-кір жуатын қызмет көрсету, шаштараз және т. б.) күшейтілген санитариялық-дезинфекциялық режимді қамтамасыз ету (қол жууға арналған жағдайлар, беттерді күніне кемінде екі рет өңдеу, дезинфекциялау құралдарын қолдана отырып ылғалды жинау, желдету);
14) БӨП-те сұрау және температураны қашықтықтан өлшеуге арналған құралдармен термометрия арқылы жіті респираторлық инфекциялар (оның ішінде СОVID-19) белгілері бар науқастарды уақтылы анықтау үшін БӨП-те медициналық бекеттерді ашу;
15) СОVID-19 белгілері болған жағдайда, одан әрі оқшаулау және инфекциялық аурулар стационарларына тасымалдау үшін аумақтық медициналық ұйымдарды және Санитариялық-эпидемиологиялық бақылау комитетінің департаменттерінің аумақтық басқармаларын 2 сағат ішінде уақтылы хабардар ету;
16) түпкілікті диагноз қойғанға, оларды инфекциялық аурулар стационарына оқшаулау мәселесін шешкенге дейін байланыста болған адамдардың уақытша болуы үшін қосымша үй-жайлар (жинақтауыш) ұйымдастыру;
17) объектілердегі барлық үй-жайларды жиі желдетуді қамтамасыз ету;
18) жеке құрам мен азаматтық персонал болмаған жағдайда дезинфекциялау құралдарын қолдана отырып (үй-жайлардағы есік тұтқаларын, таяныштарды, басқа да беттерін міндетті түрде сүрту) үй-жайларда күніне кемінде 2 рет ылғалды жинау;
19) іс-шаралардың барлық түрлеріне, оның ішінде әскери, спорттық, ойын-сауық іс-шараларына тыйым салу;
20) ведомстволық қызметтердің медицина қызметкерлерінің жеке құрамға COVID-19 алдын алу мәселелері бойынша семинарлар мен нұсқамалар өткізуі;
21) іс-әрекеттері COVID-19-ға күдікті науқастарды тексерумен, тасымалдаумен, ошақтағы жұмыспен, емдеуге жатқызумен байланысты медицина қызметкерлері мен персоналдың жоғары дәрежелі қорғаныш маскаларын немесе респираторларды пайдалануын қамтамасыз ету;
22) қылмыстық-атқару жүйесінде, сондай-ақ гаупвахталарда: камераларда тамақтандыруды ұйымдастыруды, шектеу іс-шаралары мен карантин кезінде туыстарымен кездесулерді болдырмау, серуендеуді шағын топпен кесте бойынша ұйымдастыру.
2. Азаматтық персоналдың жұмысын ұйымдастыру мәселелерін шешу:
1) COVID-19-ға қарсы вакцинацияланбаған және соңғы 3 ай ішінде COVID-19-бен ауырмаған қызметкерлер үшін үйден қашықтан қол жеткізу арқылы;
2) «жылжымалы кестені» ұйымдастыру арқылы.
3. Жеке құрамға және азаматтық персоналға:
1) жеке құрамның қарулы күш құрылымдарының объектілері (корпустары, қабаттары, оқу бөлмелері, кабинеттер және басқа да үй-жайлар) арасында жүріп-тұруын болдырмау;
2) қауіпсіз әлеуметтік қашықтықтың күшейтілген шараларын сақтау;
3) қол алысуды болдырмау;
4) мерзімді қызмет әскери қызметшілеріне, курсанттар мен кадеттерге демалыс беруді болдырмау;
5) жеке және қоғамдық гигиена шараларын сақтау.
4. Қорғанысмині, ІІМ, ҰҚК және МКҚ құрылымдық бөлімшелерінің халықтың санитариялық-эпидемиологиялық саламаттылығы саласындағы қызметті жүзеге асыратын медицина қызметкері:
4.1. Ведомстволардың медициналық ұйымдарында жеке құрам арасында COVID-19
анықталған кезде эпидемияға қарсы іс-шараларды ұйымдастыру және жүргізу
1) медициналық ұйымдардың «сүзгісінде» ЖРВИ және COVID-19
(катаральды көріністер, температура, жөтел) белгілері бар барлық адамдарды қабылдауды ұйымдастыру;
2) жабық үй-жайларда COVID-19
-ға күдікті және ықтимал науқас анықталған кезде сұрау, тексеру кезінде медицина қызметкерінің барынша аз қатысуын қамтамасыз ету;
3) COVID-19
-ға күдікті немесе ықтимал жағдайда пациентке бір рет қолданылатын медициналық маска ұсыну; ЖҚҚ бар, жеке профилактика құралдары бар жинақты сұратады; пациенттерді медициналық маскада, бас киімде, қолғаптарда және бір рет қолданылатын халатта қабылдау;
4) медициналық ұйымдардың басшыларын, госпитальдық эпидемиологты (штаттық эпидемиолог болмаған жағдайда – аумақтық ДСБ-ның эпидемиологы) «хабарлау схемасына» сәйкес - үй-жайдан шықпай хабардар ету;
5) COVID-19-ға күдікті науқасты оқшаулағаннан кейін үй-жайда қорытынды дезинфекция жүргізу;
6) жақын және ықтимал байланыста болған адамдарды саралап, байланыста болған адамдар тізімін құру;
7) оқшаулау жағдайлары болған кезде жақын байланыста болған адамдарды үйде оқшаулауды қамтамасыз етеді. Жағдай болмаған кезде жеке құрам арасынан жақын байланыстар үшін – жергілікті атқарушы органдар айқындаған үй-жайларда (әскери-медициналық бөлімшелерде);
8) медициналық ұйымдардың үй-жайларында санитариялық-дезинфекциялық режимнің жүргізілуін және сақталуын (желдету, ауысымда кемінде үш рет ылғалды жинау, дезинфекциялау) бақылау.
4.2. Үйде жеке құрам арасында COVID-19 анықталған кезде эпидемияға қарсы іс-шараларды ұйымдастыру және жүргізу
1) жеке құрамның үйдегі күдікті немесе ықтимал жағдайының тіркелгені туралы «хабарлау схемасына» сәйкес хабарлау;
2) осы қаулыға 35-қосымшаға сәйкес жақын байланыста болған адамдарды зертханалық тексеруді қамтамасыз ете отырып, стационарлық және үй жағдайында карантинді ұйымдастыру үшін жақын және ықтимал байланыста болған адамдарды анықтау.
ҚР Бас мемлекеттік санитариялық дәрігерінің 2022.21.01. № 4 Қаулысымен 24-қосымша жаңа редакцияда (бұр.ред.қара)
Қазақстан Республикасының
Бас мемлекеттік санитариялық дәрігерінің
2021 жылғы 2 қыркүйектегі
№ 38 қаулысына
24-қосымша
Пенитенциарлық (қылмыстық-атқарушы) жүйе мекемелерінде
COVID-19-дың таралу тәуекелін азайтуды сақтау
алгоритмі
1. ҚАЖ мекемелерінде ұсталатын адамдардың туыстарымен белгіленген тәртіппен ұзақ және қысқа мерзімді кездесулер өткізуіне мынадай талаптар сақталған жағдайда рұқсат етіледі:
1) ревакцинация алғанын немесе екінші компонентті алғаннан кейін 6 айдан аспайтын уақыт өткен кезде COVID-19-ға қарсы вакцинацияның толық курсын алғанын растайтын құжатты алған адамдарды қоспағанда, алған кезінен бастап 3 тәуліктен аспайтын уақыт өткен теріс нәтижесі бар ПТР әдісімен COVID-19-ға зертханалық тексерілгені туралы құжатты ұзақ мерзімді кездесулерге келген туыстардың беруі;
2) ҚАЖ мекемелерінде ұзақ және қысқа мерзімді кездесулерге келетін барлық адамдардың дене температурасын өлшеу және сауалнама толтыру арқылы сауал алу, кейіннен ұзақ кездесулердегі адамдарға күнделікті термометрия жүргізу;
3) ҚАЖ мекемелері қызметкерлерінің, арнайы контингенттің және олардың туыстарының қысқа мерзімді кездесулерді беру кезінде маска режимін сақтауы;
4) ҚАЖ мекемелерінің ұзақ кездесулер бөлмелерінде вирустық инфекциялар кезінде өңдеу режимі бойынша рұқсат етілген дезинфекциялау құралдарын қолдана отырып, күніне 2 реттен сиретпей, кейіннен желдету және кварцтау арқылы тұрақты жинау жүргізу;
5) ұзақ кездесу берілген сотталғандарды 10 күн бойы карантинге жатқызу.
2. ҚАЖ мекемелерінің объектілерінде, оның ішінде қабылдау бөлмелерінде, жиналу бөлімшелерінде вирустық инфекциялар кезінде өңдеу режимі бойынша рұқсат етілген дезинфекциялау құралдарын қолдана отырып, кейіннен желдету және ауаны зарарсыздандыру арқылы күніне 2 реттен сиретпей ағымдық жинауды тұрақты түрде жүргізуді қамтамасыз ету.
3. CОVID-19 сырқаттанушылығының тіркелу деңгейі жоғары өңірлерде (қызыл аймақта) мынадай санаттарды:
- мекеме қызметкерлерін,
- этаппен тасымалдауға жататын адамдарды;
- ҚАЖ, ІІМ мемлекеттік мекемелерінде және мекемелерден тыс ұйымдардағы қауіпсіздігі барынша төмен мекемелердің ревакцинация алғанын немесе екінші компонентті алғаннан кейін 6 айдан аспайтын уақыт өткен кезде COVID-19-ға қарсы вакцинацияның толық курсын алғанын растайтын құжатты алған сотталғандарын (тұрақты медициналық қарсы көрсетілімдері бар адамдарды қоспағанда және COVID-19-бен ауырып жазылған адамдарды соңғы 3 айда қоспағанда);
- осы қосымшаның 1-тармағының талаптарын сақтай отырып, ҚАЖ мекемелерінде ұсталатын адамдармен ұзақ және қысқа мерзімді кездесуге келген туыстарын;
- осы қосымшаның 4-тармағын сақтаған кезде адвокаттарды (қорғаушыларды), тергеушілерді қоспағанда, ҚАЖ мекемелеріне кіруді және шығуды (кіруді және шығуды) тоқтата тұру.
4. Кезек күттірмейтін тергеу әрекеттерін жүргізу үшін адвокатқа (қорғаушыға), сондай-ақ тергеушіге және адвокатқа (қорғаушыға) шығаруды қоспағанда, сотталғандардың, күдіктілер мен айыпталушылардың қатысуымен жүргізілетін барлық іс-шараларды олардың маска немесе респираторды, резеңке қолғаптар мен жабық үлгідегі көзілдірікті міндетті түрде пайдалана отырып және тергеу әрекеттеріне қатысушылар арасында кемінде 2 метр қашықтықты сақтай отырып шектеу.
5. Дезинфекциялау құралдарының, бактерицидті шамдардың, жеке гигиена құралдарының, тыныс алу органдарын жеке қорғау құралдарының (маскалар, респираторлар), медициналық термометрлердің және басқа да материалдық ресурстардың қорын ұстауды қамтамасыз ету.
6. Тұрғын отрядтарда, камераларда, тамақтану объектілерінде, өндірістік учаскелерде, жұмыс орындары мен қызмет атқару орындарында жеке гигиенаны сақтау үшін жағдай жасауды қамтамасыз ету.
7. ҚАЖ мекемелері қызметкерлерінің, қызмет көрсетуші қызметкерлердің және арнайы контингенттің маска режимін сақтауын қамтамасыз ету.
8. ҚАЖ мекемелері қызметкерлерінің арнайы контингентті қабылдау кезінде жеке қорғаныш құралдарында (маска, қолғап, көзілдірік) болуын қамтамасыз ету.
9. ҚАЖ мекемелеріне келіп түсетін барлық адамдардың, сондай-ақ мекеме шлюзіне кірер алдында ілесіп жүретін адамдар мен жүргізушілердің денесінің температурасын өлшеуді және сұрау алуды қамтамасыз ету.
10. Дене температурасы жоғары (37,20 С және одан жоғары), респираторлық симптомдары бар күдіктілерді, айыпталушыларды, сотталғандарды, сондай-ақ оларды алып жүретін адамдар мен жүргізушілерді, сондай-ақ шет елдерден оралған немесе соңғы 10 күн ішінде COVID-19 науқастарымен байланыста тұрған адамдарды ҚАЖ мекемелеріне жібермеу және қабылдамау.
11. Ревакцинация алғанын немесе екінші компонентті алғаннан кейін 6 айдан аспайтын уақыт өткен кезде COVID-19-ға қарсы вакцинацияның толық курсын алғанын растайтын құжатты алған адамдарды қоспағанда, тергеу әрекеттерінен қайтып оралған соң және арнайы контингенттің мекеме аумағынан басқаша шығуынан кейін адамдар (тұрақты медициналық қарсы көрсетілімдері бар адамдарды қоспағанда және COVID-19-бен ауырып жазылған адамдарды соңғы 3 айда қоспағанда) жаңадан келгендер ретінде күнделікті медициналық қарап-тексеру, сұрау, термометрия ұйымдастыру арқылы кемінде 10 күн мерзімге оқшаулануға жатады.
12. ҚАЖ мекемелеріне УҰИ-дан келіп түсетін ПТР әдісімен COVID-19-ға зертханалық тексерудің теріс нәтижесі бар адамдарды қабылдауды жүзеге асыру.
13. Монша-кір жууды қамтамасыз етуді, тамақтануды, өндірістік қызметті ұйымдастыру кезінде жергілікті секторларда тұратын сотталғандар ағынының қиылысуын азайту.
14. Ортақ пайдаланылатын және адамдар жиналатын орындарда (асханалар, БПК, өндірістік учаскелер, тамақ өндірісі, дүкендер және басқа да объектілер) дезинфекциялық режимді күшейту. Дезинфекциялау құралдарымен ылғалды жинау жүргізу жиілігін арттыру, бактерицидті сәулелендіргіштерді пайдалану. Дезқұралдармен тамақтанатын залдарды (үстелдер, орындықтар, едендер) жинауды осы қаулыға 21-қосымшаға сәйкес тамақтанатын сотталғандардың әрбір ауысымынан кейін ұйымдастырылған ұжымдардағы, ас блоктарындағы және сауда объектілеріндегі қоғамдық тамақтану объектілерінде санитариялық-дезинфекциялық режимді сақтау алгоритміне сәйкес жүргізу.